相信對於各位 MindBeauty Girls 嚟講,化妝品除咗唇膏買得最多,眼影顏色都係豐富多變到買唔停手!但係每次化妝時又會煩惱唔知揀咩顏色好,今期小編就揀選咗今季 5 種最 hot 嘅氣質眼影,俾大家平日化妝時做番個參考,唔使每次都煩惱個妝容點襯!

1)紫羅蘭

最近無論係日本定歐洲嘅時尚雜誌,都不約而同咁選擇咗紫色眼影作為今期秋冬主題!到底點解呢?淡淡的紫羅蘭色在眼窩位打底,眼尾以深紫色打影,凸顯優雅氣質之外仲好顯白! 若果咁啱有一日黑眼圈好重,不妨試下呢個眼影顏色!

 

2)大地色 土紅色

今季最興的眼影組合系列絕對係以偏橙或大地色打底,搭配眼尾以偏紅的顏色加深。而小編推介呢款大地色加土紅色眼影組合,都係 under 呢個系列。 呢種組合就屬於比較內斂氣質,無論日常出街或者番工都一樣啱!不過小編提提各位 Girls 要注意用大地色打底時,盡量用渲染畫法,即係搽嘅時候盡量將顏色放係上眼窩部分,咁樣可以有明顯放大雙眼效果!

3)杏色 楓紅 閃粉

同上面大地色+土紅色同系列,但呢個組合相對比較有時尚感!平時偏愛韓妝的 Girls 應該對於眼影加閃粉唔會陌生,小編建議呢個組合要加閃粉係因為杏色實在太淡,而搭配非常鮮艷的楓紅色時容易變得突兀唔襯,所以需要閃粉調和強調番杏色同淡化楓紅,平衡兩隻色後嘅整體眼妝效果唔會誇張之餘仲增添幾分淑女氣質!

4)奶茶色

奶茶色唇膏盛行,奶茶色眼影同樣大熱!淡淡的奶茶色喺眼圈渲染,加上拉長的眼線,除明顯放大雙眼外,成個眼妝因為好淡會有透明裸妝的感覺,可以好好咁突出唇色! 小編建議用呢個眼影色時要搭配比較鮮艷的紅色系唇膏,如果唔係可能會變一個病貓樣㗎!

5)復古灰調

簡單一圈灰色眼影就已經可以營造北歐極簡高冷感,如果搭配埋高領毛衣仲氣質感大UP!但係要注意妝容其他部分都要帶有「簡約感」,小編建議眉毛都係以灰色淺淺填充,加埋一條細長的內眼線,淡淡的胭脂,同暖色系的南瓜色唇膏,非常適合喜歡簡易妝容嘅Girls

以上五款滿滿冬日氣息氣質眼影,適合星期一至五唔同的番工裝扮,各位 MindBeauty Girls 以後出街就唔使再煩惱化咩妝啦!

MindBeauty為愛美的你搜羅全香港優質 Spas & Salons,從按摩、修甲、美髮、瑜珈到體操健美等都可以係App度簡單預約,首次登記 (https://mindbeautyhk.com/signup) 仲可以即減$80,立刻下載 (http://q-r.to/baoEpB) 預約你的心水服務啦!


mindbeauty

香港最新最安全的美容預約App  一站式優質美容預訂手機平台MindBeauty

為愛美的你搜羅全香港優質 Spas & Salons,

從按摩、修甲、美髮、瑜珈到體操健美等都可以係 App 度簡單預約

立刻下載 http://q-r.to/baoEpB