CLOSE
Back To Top

哈囉喂都要靚!4 個萬聖節妝容推介

哈囉喂都要靚!4 個萬聖節妝容推介

哈囉喂!10月尾來緊,各位 MindBeauty Girls 有冇諗住去邊個鬼屋玩下呀?除咗鬼屋,萬聖節一大節目就係打扮靚靚,狂歡一晚!今日小編想介紹一下 4 個萬聖節妝容,幫 Girls 們應節,增加節日氣氛,吸引眾人目光!

經典骷髏骨妝

每逢萬聖節點可以唔提起骷髏骨妝?骷髏妝嘅視覺效果強,簡單而又可以突顯萬聖節嘅氣氛,如果覺得太誇張但又想要有萬聖節嘅效果,可以用簡單的大地色眼妝配上骷髏骨妝,再配上一身黑色衣服,肯定搶盡風頭!

性感豹紋妝

如果想喺萬聖節嘗試一下大膽而又性感嘅妝容,不妨可以試下豹紋妝,簡單在臉上畫上豹紋紋路,再配上cat eyeliner ,就可以完成妝容,再更加突出,可以在髮型上落啲功夫,簡單嘅高馬尾已經突出狂野嘅感覺!

可愛小丑女妝

小丑向來比人一種可愛而又詭異的感覺,如果想喺萬聖節 keep 住可愛,可以試下化個小丑妝容,重點在於小丑詭異嘅笑容以及誇張嘅眼妝,更可以試下誇張嘅髮色或雙馬尾的髮型,令可愛感提升!前兩年扮厭咗小丑女 Harley Quinn 嘅你,不妨一試!

橘色蜘蛛妝

想喺萬聖節化嗰簡單而有吸引目光嘅妝容?可以試下蜘蛛眼妝,簡單化上有萬聖節氣氛的橘色眼妝,配上有萬聖節氣氛嘅蜘蛛圖案,再加上橘色唇妝,就可以充滿了萬聖節氣氛,適合唔想誇張而有希望有小小特別的你!

 

以上介紹嘅 4 個妝容都幾考心思,但就好有萬聖節氣氛,好適合同成班朋友一齊瘋癲玩一晚盡興,紓發平日生活壓力!如果你無咁多時間或者比較懶惰,一個紅唇加一對貓眼 eyeliner 都可以好性感惹艷,為自己的生活添上新鮮色彩啦!

 


mindbeauty

香港最新最安全的美容預約App  一站式優質美容預訂手機平台MindBeauty

為愛美的你搜羅全香港優質 Spas & Salons,

從按摩、修甲、美髮、瑜珈到體操健美等都可以係 App 度簡單預約

立刻下載 http://q-r.to/baoEpB

Post a Comment