CLOSE
Back To Top

【入冬須知】防寒保暖小貼士

【入冬須知】防寒保暖小貼士

深秋之後北半球絕大部分既地區都迎來了寒冷既冬季,刺骨寒風、陰綿細雨都會令人倍感透骨涼意。因此,點樣係出面同屋企做足保暖措施係非常重要!今個星期小編為 MindBeauty Girls 推薦一啲簡單又易做既暖身措施,希望令你地係冬季都可以保持住最佳狀態,輕輕鬆鬆咁應對寒冬。如果成日飲熱飲,同埋著住羽絨仍感到寒氣逼人既你,以下既小貼士幫到你!

保暖羽絨

羽絨係保暖衣物既首選。購買羽絨時,你可以參考其填充度 (Fill Power),亦有譯為蓬鬆度。以1安士既羽絨能填滿幾多立方吋黎計算,即係填充度愈高既羽絨既膨脹度愈高,保暖度亦愈高。

市面上一般有550既羽絨已經唔錯,有啲戶外專用既更達到900。

艾葉浸腳

艾葉可以有助祛寒、除濕、通經絡。艾葉浸腳能夠吸取艾葉既藥物功效。將艾葉撕碎放入浸腳桶裡,再用熱水沖泡開後自然冷卻到溫水泡腳,並配合雙手按摩足底,使藥物更好地刺激足部穴位和反射區,從而達到通經絡、促進血液循環、調節神經系統、改善睡眠的作用。需要注意既係:浸腳要浸到全身微微出汗,但係不可大汗,之後再飲番杯生薑紅棗水,既去了寒又不瀉氣。用艾葉浸腳每星期一次即可。氣血不足者,建議在浸腳前飲一碗紅棗桂圓湯,可以補充體內元氣。

做熱瑜伽 (Hot Yoga)

瑜伽對身體益處多多,包括暖身健體。冬天可以嘗試做熱瑜伽 (Hot Yoga),也稱高溫瑜伽。顧名思義,做熱瑜伽既房間內溫度好高,因此,你會大量流汗。做高溫瑜伽唔單止會令你覺得暖和,亦同時會增加你既血液循環,令你保持較長時間溫暖。

MindBeauty 精選推介:Amico Studio (灣仔) – 熱流瑜伽 /60分鐘 HK$280

Office 裡沖保暖飲品

Office 既冷氣溫度時常過低,你可以選擇飲驅寒暖身既肉桂桂圓紅棗薑茶同埋雙花舒痛茶

肉桂桂圓紅棗薑茶入面既肉桂可以有助散寒止痛、活血通經;桂圓和紅棗則能暖脾胃、安神助眠。但係 MindBeauty Girls 要注意紅棗性質溫補、薑則性質溫燥,因此喉嚨痛或感冒初起人士唔適宜飲用啊!

材料:肉桂2克、桂圓5枚、紅棗3枚、生薑1片

做法:將全部材料放入茶壺,加熱水300毫升,泡10分鐘,即可飲用

功效:溫經散寒,養血補心

至於雙花舒痛茶,玫瑰花能疏肝解鬱,有助緩解壓力情緒;桂花則取其芳香撲鼻的味道,又具散寒既功效。

材料:玫瑰花10朵、桂花3克、紅糖少許、 生薑1片

做法:將全部材料放入茶壺,加滾水300毫升,泡10分鐘,即可隔渣倒出享用

功效:舒肝解鬱,溫經緩急止痛

飲食協調

對於養腎防寒黎講,飲食協調都好重要嫁!

冬天最適合食羊肉依啲咁高熱量高既食物,因為羊肉對體虛寒者尤其有益,但係都千祈唔好過量咁食。冬天亦可以食一啲具有補腎益腎功能既食物,例如核桃、板栗、桂圓等。黑色食品能夠入腎強腎,亦宜擇食,如黑米、黑豆、黑芝麻、黑棗、黑木耳、烏骨雞、海帶、紫菜之類。

冬日宜常食各類溫性熱粥,若將上述食品置入粥中煮食,既可祛寒,又會給養,還能療疾。

 


mindbeauty

香港最新最安全的美容預約App  一站式優質美容預訂手機平台MindBeauty

為愛美的你搜羅全香港優質 Spas & Salons,

從按摩、修甲、美髮、瑜珈到體操健美等都可以係 App 度簡單預約

立刻下載 http://q-r.to/baoEpB

Post a Comment