CLOSE
Back To Top

大時大節精明食 健康過節又唔肥!

大時大節精明食 健康過節又唔肥!

話咁快又到中秋節,又係同親朋戚友聚會做節的時間,嚟到呢D大時大節各位MindBeauty Girls應該都走唔甩要食一D應節食品,今次MindBeauty就會同大家Share下一D健康飲食Tips,等大家可以享受好味的月餅之餘又唔會累積多餘的脂肪!

Tips 1: 學識睇營養標籤

想健康食月餅,揀一D相對無咁肥、低卡少少的月餅絕對係方法之一! 如果各位MindBeauty Girls係鍾意食新式月餅的話,冰皮月餅相對雪糕月餅就會卡路里含量低少少。 鍾意傳統月餅的話五仁月餅就相對會健康D,不過最重要都係學識睇營養標籤,睇清楚每一個份量有幾多卡路里先再做選擇! 而且小編提提你,有唔少月餅都係以1/4個做營養標籤單位,千祈唔好睇錯以為呢個係一個月餅的份量呀!

Tips 2: 飲茶消滯

小編完全明白大家開心聚會時真係好容易食多咗,如果真係食得比預期份量多小編就會建議你沖番杯茶消下滯,因為茶本身含有的咖啡因同埋丹寧酸係可以幫助消化過程,從而減少你的飽滯感,當中特別推薦普洱茶、綠茶等。 如果唔鍾意飲茶的MindBeauty Girls亦都可以考慮沖杯檸檬水飲用,一樣有幫助消化減低飽滯感的效果!

Tips 3: 散步當飯後運動

中秋佳節除咗同親友坐低傾下計外,小編都好建議各位MindBeauty Girls飯後去散下步,因為除咗飲茶消滯外散步可以話係另一個幫助消化的好選擇! 不過並唔係一食完飯就適合散步,一般都會建議係飯後30分鐘血糖開始升高後先開始散步,咁樣除咗幫助消化外亦會減少脂肪的累積!

Tips 4: 減少隔日早餐的份量

除咗以上3點外,小編仲有個最後殺著提供俾各位MindBeauty Girls!就係飽餐過後第二朝的早餐份量要減少! 呢個主要係因為前一晚吸收咗太多熱量,如果一直唔消耗就會變咗脂肪,所以第二朝減少早餐的份量有助平衡番熱量的吸收! 不過要留意呢個絕對只係一個急救辦法但唔可以經常使用,因為早餐其實係供給緊你全日的能量,所以係正常日子早餐一定要食得足夠啊!

用晒以上呢D Tips就可以精明又健康咁過中秋啦! 想Keep住知道更多有關美容或者健康的資訊就記得要Follow MindBeauty的Facebook專頁啦!


mindbeauty

香港最新最安全的美容預約App  一站式優質美容預訂手機平台MindBeauty

為愛美的你搜羅全香港優質 Spas & Salons,

從按摩、修甲、美髮、瑜珈到體操健美等都可以係 App 度簡單預約

立刻下載 http://q-r.to/baoEpB

Post a Comment